Vietnamda dunyoning eng yirik stadioni qurilishi boshlandi

Stadion nafaqat sport musobaqalari, balki xalqaro konsertlar, festivallar va madaniy tadbirlar uchun ham mo‘ljallangan. Qaytarib yopiladigan tom tizimi uni yil davomida ishlatishga imkon beradi, bu esa stadionning iqtisodiy samaradorligini oshiradi va doimiy daromad manbaiga aylanishini ta’minlaydi.

«Trong Dong» loyihasi xalqaro standartlarga muvofiq ishlab chiqilgan, FIFA, AFC va Osiyo Olimpiya kengashining talablarini hisobga olgan holda Olimpiya o‘yinlari, Osiyo o‘yinlari, FIFA va qit’aviy musobaqalarni o‘tkazishga moslashtirilgan. Stadion Marokashdagi 120 ming o‘rinli «Grand Stade Hassan II»dan kattaroq bo‘ladi.

Stadionning arxitekturasi Vietnam milliy merosini aks ettiradi. Nomidagi «Trong Dong» — «bronza baraban» ma’nosini anglatib, qadimgi «Dong Son» sivilizatsiyasining bronza barabanlaridan ilhomlangan. Shu bilan u nafaqat sport, balki mamlakatni madaniy va me’moriy ramz sifatida ham namoyon etadi.

Vietnam hukumati stadion orqali mamlakatni jahon xaritasida zamonaviy va ochiq davlat sifatida tanitishni maqsad qilgan. Stadion xalqaro tadbirlarga tayyor bo‘lib, mamlakatning sport va madaniy salohiyatini oshirishga xizmat qiladi.